Ish-deputetja Monika Kryemadhi është paraqitur këtë të hënë në Prokurorinë e Posaçme (SPAK), në zbatim të masës së sigurisë “detyrim paraqitjeje”.
Pas daljes nga ambientet e SPAK-ut, Kryemadhi foli për mediat dhe u pyet edhe për deklaratat e kryetarit të Partisë Demokratike, Sali Berisha, i cili kishte ngritur pretendime se disa zyrtare apo ish-zyrtare mund të tentojnë t’u shmangen masave të sigurisë përmes shtatzënisë.
Kryemadhi iu përgjigj me ironi deklaratave të Berishës, duke thënë se ajo vetë nuk mund të jetë pjesë e një situate të tillë.
Lexo edhe:
“Me barrë nuk ngel!”, u shpreh ajo, duke shtuar se raste të tilla mund të jenë thjesht thashetheme, por edhe të vërteta.
“Unë ju garantoj se me barrë nuk ngel. Sigurisht që njerëzit, për të gjetur mënyra dhe rrugë të ndryshme procedurale, mund të jenë thashetheme, por edhe të vërteta. Sa herë vjen në jetë një foshnje, është një gjë e mirë. Ndoshta, duke ditur që po shpopullojnë Shqipërinë, po ngrenë një mini-maternitet”, deklaroi Kryemadhi.
Ajo ndodhet nën masën e sigurisë “detyrim paraqitjeje”.
