Komiteti Teknik i Ekspertëve ka dalë këtë të mërkurë në një deklaratë për mediat ku kanë bërë edhe një herë të ditur se masat anti-covid do të vijojnë të jenë në fuqi të paktën edhe për dy javët e ardhshme.
Zëvendësministrja Mira Rakacolli u shpreh se ora policore do të vijojë të mbetet në fuqi, që nënkupton kufizimin e lëvizjes dhe aktiviteteve nga ora 22 e mbrëmjes deri në orën 6 të mëngjesit.
Gjithashtu mësimi do të zhvillohet online, pasi universitetet do të vijojnë të jenë të mbyllura.
Lexo edhe:
“Ka një tendencë të lehtë ulje, e cila mbetet për tu konfirmuar në javët në vijim.
Do të vazhdojnë të jenë në fuqi ora policore pas orës 22:00, universiteti edhe 2 javë online dhe po kështu fluturimet me Britaninë e Madhe të mbeten të pezulluara deri në datën 18 janar.
Nuk kemi ende të dhëna nëse virusi britanik të jetë në vendin tonë, do të vazhdojë të mbetet në fuqi ora policore, edhe Universitetet do të vijojnë që të jenë të mbyllura, dhe mësimi të vijojë online. Fluturimet me Britaninë e Madhe do të jenë të pezulluara deri në datën 18 Janar. Të vazhdojmë të mbajmë maskat, dhe të vijojmë që të ruajmë distancimin social”, u shpreh Rakacolli
