Aktorja e njohur Olta Gixhari ka rrëfyer detaje të panjohura për marrëdhënien e saj me Dorin, babain e fëmijëve të saj. Në një intervistë me Arbana Osmanin, ajo tregoi momentin e parë kur u njohën dhe historinë e veçantë që i lidh bashkë.
“Duke u parë në sy ndodhi një shkëndijë shumë e fortë,” tha Olta, duke kujtuar takimin e parë.
“Më ndodhi diçka në stomak. U takuam rastësisht dhe më pas ai iku. Propozimi i tij ndodhi në Romë, por ishte në Spanjë ku bëmë një bisedë shumë të rëndësishme.”
Lexo edhe:
Aktorja zbuloi se, ndonëse ishin takuar vetëm disa herë, Dori i bëri një propozim të sinqertë:
“Ishim ulur në një banak në Spanjë. Nuk ishim puthur ende, nuk kishim bërë dashuri, por i thashë troç: ‘Të dy mund të kemi qejf të bëjmë dashuri me njëri-tjetrin, por unë nuk dua të zgjohem nesër dhe të mos e di se çfarë të kam.’ Ai më tha: ‘Mendoje mirë. Nëse vendos të vish në Romë në këtë datë, nuk ka më kthim pas.’”
Olta pranoi se Dori nuk është i pasur, por vjen nga një familje e thjeshtë dhe punëtore. Gjatë qëndrimit të tyre në Romë, Dori bëri hapin e madh:
“Ai më u ul në gjunjë dhe më tha: ‘A do të jesh gruaja ime?’ Nuk u martuam kurrë, por ai më la shtatzënë,”- tha ajo duke qeshur.
