Dyshohet se ylli spanjoll Gerard Pique, i cili luante në skuadrën e futbollit të Barcelonës, ka shantazhuar ish-gruan e tij, Shakirën.
Sipas burimeve të NTV Pique mban 12 Grammy që Shakira fitoi gjatë karrierës së saj profesionale. Bëhet e ditur se ndonëse këngëtarja e njohur kolumbiane ka dashur që këto çmime t’i kthehen, Pique nuk e ka marrë parasysh këtë kërkesë.
Sipas lajmeve të gazetës spanjolle La Razon, nga 21 skulpturat Grammy dhe Latin Grammy të fituara nga Shakira, 12 prej tyre janë në kompaninë e prodhimit Kosmos, të themeluar nga Gerard Pique.
Lexo edhe:
Dyshohet se futbollisti nuk ia kthen këngëtares këto statuja për t’i përdorur si ‘trofe’ në çështjen e paraburgimit.
Futbollisti 35-vjeçar u nda me këngëtaren e njohur Shakira qershorin e kaluar pas 12 vitesh bashkë. Futbollisti, lidhja e të cilit përfundoi pasi u zbulua se po tradhtonte këngëtaren e njohur, është parë në një dasmë me të dashurën e tij të re.
