Gazetari Artan Hoxha ka bërë një deklaratë të fortë në emisionin “Opinion”, ku është shprehur se ka disa vrasës shqiptarë me pagesë që duan të rrëfejnë vrasjet e tyre për shkak se kanë frikë dhe ndihen në rrezik.
Sipas tij, policia nuk lëshon urdhër arrestet dhe për pasojë edhe këto vrasje nuk zbardhen, ndërsa u shpreh se vrasja e Klodian Saliut është për shkak të përplasjes mes bandës së Durrësit, pasi ajo u nda në 2 fraksione.
“Kemi sot dëshmi, persona të penduar që kanë qenë vrasës me pagesë që rrëfejnë vrasjet që kanë bërë vetë. Ke 2 në Elbasan, 1 në Greqi, Mirgen Toshi, i ka dalë gjurma e gjakut dhe nuk lëshohet urdhër arresti. Janë njerëz që duan të dëshmojnë, sepse ndihen në rrezik dhe nuk veprohet. Bëj apel që në këto raste që vrasësit rrëfejnë vrasjet e veta, siç është rasti i Luftar Reçit.
Klodian Saliut i kanë vrarë 3 vëllezër për 3 vite. I shuan si familje. Nuk donin të rrezikonin që të merrnin një kundërpërgjigje. Fillimisht u vra Klodian Saliu, në vitin 2005. Më pas në vitin 2007, u vra Ndriçim Saliu. Ndërsa në vitin 2008 u vra vëllai tjetër Arjan Saliu,”–Pas vrasjes së Klodianit kam vajtur në shtëpinë e atij, personazh shumë i rëndësishëm i botës së krimit. Ka patur një konflikt mes grupit të madh që më pas u shpërbë. Njëra palë kishte Lul Berishën, tjetra kishte Klodian Saliun dhe Endrit Doklen”, tha Hoxha.
