Gazetari Artan Hoxha ka treguar një histori, se si një femër është përdorur nga bandat për të qëlluar kundërshtarin.
Ai tha se Marsel Sotirin e ka nxjerrë në pritë një femër.
“Tre gjëra ka për të zbuluar sot një bos krimi. E para, nëse i kap mjetet e komunikimit, pra telefonin. E dyta, nëse i gjen mjetet e lëvizjes, pra ai mund ta lejë makinën aty për 8 muaj, por pas disa kohësh do vijë ta marrë një ditë. E treta, nëse i kap shijet e tij për femrat. Kam denkospiruar disa herë për një hetim në Durrës ku është vrarë Marsel Sotiri. Ka qenë një nga personazhet me shumë emër në vitet 90′.
Grupi kundërshtar Edisi nuk kishte mundësi ti afrohej. E di çfarë i bënë? Ata e dinin që ai pëlqente femra të kolme, me gjoks të madh, vithe të formuara, morën një miss dhe ia çuan përpara lokalit të tij. Pra ajo bënte plazh aty.
Ky sa e pa u fut në aksion, e futi në shtëpi, krijoi një farë lidhjeje. Ditën e fundit ai zbriti nga blindi, bënte 3-4 metra jo më shumë për ta përcjellë, sapo bëri këtë veprim, ata e vranë. Pra ajo e nxori në pritë”, tha Hoxha.
