Prindërit që udhëtojnë me fëmijë, gratë shtatzëna dhe pasagjerët me karroca për fëmijë mund të përdorin linjën e dedikuar Family Lane në Aeroportin Ndërkombëtar të Tiranës.
Kjo hapësirë është krijuar për t’u ofruar përparësi kategorive që mund të kenë më shumë vështirësi gjatë procedurave të udhëtimit dhe pritjes në aeroport.
Sipas TIA-s, Family Lane është një kanal i posaçëm kalimi, i ndarë nga fluksi i zakonshëm i pasagjerëve. Përmes kësaj linje, familjet me fëmijë të vegjël, gratë shtatzëna dhe personat që udhëtojnë me karroca fëmijësh mund të kryejnë më lehtë dhe më shpejt procedurat përkatëse në aeroport.
