Lamtumira për Enrik Mehmetin, Kryeministri Rama merr pjesë në homazhet në teatrin “Petro Marko”

Kryeministri Edi Rama ka marrë pjesë në homazhet e zhvilluara për gazetarin Enrik Mehmeti, të cilat po mbahen në teatrin “Petro Marko” në Vlorë.

Gazetari Enrik Mehmeti humbi jetën pasditen e së shtunës, në moshën 40-vjeçare, pas një aksidenti me motor në zonën e plazhit të Porto Novës, në Zvërnec.

Familjarë, miq, kolegë dhe përfaqësues të institucioneve janë mbledhur për t’i dhënë lamtumirën e fundit gazetarit të njohur, i cili për vite me radhë ka raportuar ngjarjet dhe problematikat nga qarku i Vlorës.

Lexo edhe:

Shqiptarët paguajnë rreth 100 euro për shërbimet celulare, Vodafone dhe One dyfishojnë fitimet

Elijona konfirmon lidhjen e dashurisë dhe bën deklaratën e bukur për Klodin

Çfarë po ndodh me monedhat e huaja? Hidhini një sy këmbimit valutor për sot

“100 t’i bën vëllai, të rreshtohen aty” – Aurela Gaçe zbulon bisedën e fundit me Enrik Mehmetin një javë para aksidentit tragjik

Homazhet po zhvillohen në teatrin “Petro Marko”, ndërsa ceremonia e përcjelljes së fundit është parashikuar të mbahet në orën 14:00.

Pas lajmit të ndarjes nga jeta të Mehmetit, reagime ngushëllimi kanë ardhur edhe nga figura të tjera politike, mes tyre kreu i Partisë Demokratike Sali Berisha dhe Sekretari i Përgjithshëm i Partisë së Lirisë, Tedi Blushi.

Humbja e gazetarit 40-vjeçar ka sjellë dhimbje te komuniteti mediatik dhe qytetarët e Vlorës, ku ai ishte një figurë e njohur për raportimet e tij ndër vite.