Nëse dëshironi të vizitoni atraksionet më të njohura të kryeqytetit pa u shqetësuar për transportin, Tirana City Tour ofron një zgjidhje praktike me autobusin panoramik “Hop On – Hop Off”.
Autobusi ndalet në tetë pika kyçe të Tiranës, duke u dhënë mundësi vizitorëve të zbresin për të eksploruar zonën dhe të hipin sërish në autobusin pasardhës.
Ndalesat e itinerarit janë:
Lexo edhe:
- Opera / Bashkia e Tiranës
- Shtëpia e Gjetheve
- Sheshi Nënë Tereza
- Piramida e Tiranës
- Ura e Tabakëve
- Kryegjyshata Botërore Bektashiane
- Bunk’Art 1
- Xhamia e Namazgjasë
Përgjatë itinerarit mund të vizitohen disa nga pikat më të njohura turistike të qytetit, si Sheshi Skënderbej, Kulla e Sahatit, Xhamia e Et’hem Beut, Stadiumi Air Albania, Parku i Madh i Liqenit, zona e Ish-Bllokut, Kalaja e Tiranës, Dajti Express dhe Bunk’Art 1.
Autobusi qarkullon çdo ditë. Nisja e parë bëhet në orën 09:00, ndërsa e fundit në 16:00. Mjeti kalon në çdo stacion çdo një orë dhe një xhiro e plotë zgjat rreth 90 minuta.
Çmimet e biletave
Biletë 24-orëshe
- Të rritur (16–65 vjeç): 1,800 lekë
- Fëmijë (6–15 vjeç): 1,000 lekë
- Pensionistë (65+): 1,600 lekë
- Fëmijë 1–4 vjeç: Falas
Biletë 48-orëshe
- Të rritur (16–65 vjeç): 2,000 lekë
- Fëmijë (6–15 vjeç): 1,100 lekë
- Pensionistë (65+): 1,800 lekë
- Fëmijë 1–4 vjeç: Falas
Për ata që duan të bëjnë vetëm një udhëtim, ofrohet edhe biletë për një hyrje, me çmim 1,600 lekë për të rriturit. Fëmijët nën 5 vjeç udhëtojnë falas kur shoqërohen nga një i rritur me biletë të vlefshme.
