Një valë intensive të nxehti ka përfshirë Shqipërinë që prej së premtes, me temperatura që në disa zona pritet të arrijnë deri në 40°C.
Sipas parashikimeve, vetëm nga e marta e javës së ardhshme pritet një rënie graduale e temperaturave në të gjithë vendin. Ky ndryshim do të shoqërohet me shtim të vranësirave, kryesisht në juglindje, ku nuk përjashtohen rrebeshe të shkurtra shiu.
Meteorologia Tanja Porja thotë se moti do të mbetet kryesisht i kthjellët, veçanërisht përgjatë vijës bregdetare. Temperaturat minimale do të zbresin deri në 17°C në zonat malore, ndërsa në bregdet nuk pritet të bien nën 25°C.
Vranësirat do të jenë kalimtare në juglindje dhe më të pranishme në zonat lindore të vendit. Një freskim i lehtë i motit pritet në ditët e para të korrikut, kur temperaturat do të ulen me rreth 3 gradë.
Edhe pse të dielën dhe të hënën do të ketë më shumë vranësira, mundësia për reshje mbetet shumë e ulët.
