Në një ditë simbolike sot në festën e Kurban Bajramit, Fondacioni DOMI, pjesë e Atlas Corporation ka zhvilluar një aktivitet humanitar në disa qytete të Shqipërisë, duke shpërndarë ndihma për qindra familje në nevojë.
Mbi 500 familje kanë përfituar nga kjo nismë humanitare, përmes shpërndarjes së pakove me produkte ushqimore dhe ndihma bazë për familjet në vështirësi ekonomike. Mes produkteve të shpërndara kanë qenë edhe produktet e brandit Ola, pjesë e Atlas Corporation, të cilat janë bërë pjesë e tryezave të shumë familjeve në këtë ditë feste.
Aktiviteti u realizua me angazhimin e stafit dhe vullnetarëve të Fondacionit DOMI, të cilët kanë qenë të pranishëm gjatë këtij organizimi ku bënë të mundur dhe shpërndarjen e ndihmave. Pamjet nga aktiviteti treguan një mobilizim të madh, me qindra kuti ndihmash të transportuara dhe të shpërndara për familjet që kishin më shumë nevojë për mbështetje.
Lexo edhe:
Prej vitesh, Fondacioni DOMI zhvillon aktivitete humanitare dhe sociale në zona të ndryshme të Shqipërisë, duke mbështetur familje në nevojë, dhe duke ndihmuar komunitetet lokale. Përveç ndihmave ushqimore, fondacioni ka organizuar vazhdimisht aktivitete sociale dhe mbështetje për kategori të ndryshme në vështirësi.
Përfaqësues të fondacionit u shprehën se aktivitete të tilla nuk lidhen vetëm me festat, por janë pjesë e një angazhimi të vazhdueshëm për të qenë pranë njerëzve që kanë nevojë për ndihmë.
“Në ditë si kjo, më e rëndësishmja është të mos mungojë kujdesi për familjet që kanë më shumë nevojë. Ne jemi gjithnjë të gatshëm të sjellim buzëqeshjen në fytyrat e këtyre njerëzve,” u shprehën përfaqësues të Fondacionit DOMI gjatë këtij aktiviteti.
Përmes kësaj nisme, Fondacioni DOMI përcolli edhe një mesazh solidariteti dhe mbështetjeje në një nga ditët më të rëndësishme për besimtarët myslimanë, duke rikujtuar rëndësinë e kujdesit dhe ndihmës për njëri-tjetrin. 
