Viti 2025 mund të quhet edhe viti i zi për Shqipërinë, pasi një sërë figurash në art, politikë, kulturë, etj, u ndanë nga jeta duke e bërë kombin tonë më të varfër.
Brenda një viti, Shqipëria humbi emra të rëndësishëm të politikës, artit, kinemasë, teatrit, muzikës dhe medias, figura që për dekada me radhë ndërtuan identitetin kulturor dhe publik të vendit.
Më 25 janar, në moshën 95-vjeçare vdiq kryepeshkopi i Tiranës, Durrësit dhe i Gjithë Shqipërisë, Anastas Janullatos. Prej 22 dhjetorit të vitit 2017, Janullatos mbante edhe nënshtetësinë shqiptare. Figura e tij në krye të Kishës Ortodokse shqiptare ka ngjallur shpesh herë polemika, ku në thelb të të cilave ka qenë përkatësia e tij etnike greke.
Lexo edhe:
Më 9 mars u nda nga jeta në moshën 53-vjeçare Andis Harasani, ish-deputet dhe një nga figurat e njohura të politikës dhe sektorit energjetik. Harasani, i cili ishte një prej zyrtarëve të Partisë Socialiste, shërbeu si deputet në periudhën 2005-2009. Ai ka pasur një rol të rëndësishëm në politikat energjetike të Shqipërisë, duke drejtuar Korporatën Elektroenergjetike Shqiptare (KESH) nga viti 2002 deri në vitin 2005. Pas largimit nga jeta politike, Harasani u angazhua në fushën e biznesit, duke krijuar një kompani në Shtetet e Bashkuara të Amerikës dhe duke kontribuar në zhvillimin e disa iniciativave ndërkombëtare. Pavarësisht angazhimeve të tij në biznes, ai mbeti i njohur për ndikimin që pati në skenën politike të vendit. Ai ndërroi jetë në Neë York, SHBA, ku po luftonte prej kohësh me një sëmundje të rëndë.
Më 3 prill 2025, u nda nga jeta Margarita Xhepa, një nga aktoret më të mëdha të teatrit dhe kinemasë shqiptare, një ditë pas 93?vjetorit të lindjes së saj. Xhepa pati një karrierë të jashtëzakonshme që zgjati mbi tetë dekada me role në teatër dhe film, duke u konsideruar një ikonë e skenës shqiptare. Ajo vdiq në Tiranë pas një jetë të gjatë plot krijimtari dhe u nderua me homazhe nga kolegë dhe admirues.
Më 23 maj 2025, u nda nga jeta Artan Lame, publicist, historian dhe figurë aktive në fushat e trashëgimisë kulturore dhe medias. Lame vdiq në Mynih, Gjermani, pas një ndërhyrjeje të komplikuar të zemrës dhe problemeve kardiake, pas së cilës përfundoi në koma dhe nuk u zgjua më. Ai ishte i njohur për punën e tij në administratën shtetërore dhe për kontributet në studimin e historisë dhe trashëgimisë.
Më 24 maj, u nga jeta në moshën 86-vjeçare regjisori i shquar shqiptar Piro Milkani, një nga kolosët dhe baballarët e Kinematografisë shqiptare, me mbi 20 prodhime që qëndrojnë në majën e artit dhe kulturës. Piro Milkani ishte një prej figurave më të rëndësishme të kinematografisë shqiptare, me një karrierë të gjatë dhe kontribut të jashtëzakonshëm në artin e regjisurës. Ai do të mbahet mend si një personalitet i dashur dhe i respektuar jo vetëm për talentin, por edhe për dashurinë dhe përkushtimin ndaj artit dhe familjes
Më 11 qershor 2025, arti dhe kinemaja shqiptare humbën Leka Bungon, regjisor, aktor dhe skenarist i njohur, i cili ndërroi jetë në Tiranë në moshën 81-vjeçare pas një ataku të papritur në zemër. Bungo ishte një nga figurat më të dashura të kinemasë dhe televizionit shqiptar, me dekada krijimtarie dhe ndikimi në skenën artistike.
Më 23 korrik 2025, Violeta Sekuj, një nga aktoret më të shquara të teatrit shqiptar, ndërroi jetë në moshën 94?vjeçare. Ajo njihej për rolet e saj të paharrueshme në skenë dhe u përshëndet nga komuniteti artistik për kontributin e saj të gjatë dhe të ndjeshëm.
Më 28 gusht 2025, u nda nga jeta Naun Shundi, aktor, regjisor dhe dramaturg i shquar, në moshën 66?vjeçare. Ai luftoi me kancer të lëkurës, për të cilin mori trajtim edhe jashtë vendit, por më pas u rikthye në Shqipëri ku vijoi kujdesin mjekësor deri në fund. Shundi la pas një trashëgimi të rëndësishme në skenën teatrore kombëtare.
Gjatë muajit gusht, humbja e papritur e Artur Zhejit, gazetarit dhe analistit të njohur të medias shqiptare, pas një arresti kardiak, tronditi komunitetin e medias. Zheji ishte i angazhuar për dekada në fushën e gazetarisë në vendin tonë. Veprimtaria e tij konsistonte analiza politike, shkrime editoriale të ndryshme si dhe drejtimin e programeve televizive. Artur Zheji u nda nga jeta në moshën 64-vjeçare, duke lënë pas bashkëshorten dhe dy fëmijët, djalin 22-vjeçar dhe vajzën 19 vjeç.
Më 1 shtator, kineasti i njohur, Dhimitër Anagnosti u nda nga jeta në moshën 89-vjeçare, i vlerësuar si një nga regjisorët shqiptarë më të rëndësishëm të shekullit XX. Filmat e tij janë ndër të paktit që edhe sot paraqesin interes nga ana artistike.
Më 22 shtator u nda nga jeta aktori në moshën 71-vjeçare Enver Petrovci, ikona e filmit dhe teatrit në Shqipëri dhe Kosovë. Petrovci u vlerësua si një ndër aktorët më të shquar të kohës, me disa çmime kombëtare dhe ndërkombëtare. Përveç skenës, ai dha një kontribut të madh edhe në edukimin e brezave të rinj të artistëve, si njëri nga themeluesit dhe profesorët e parë të degës së Artit Dramatik pranë Fakultetit të Arteve në Universitetin e Prishtinës.
Më 29 shtator 2025, sopranoja e mirënjohur Luiza Çako u nda nga jeta në moshën 88-vjeçare, pas një jete dhe karriere të gjatë në muzikën klasike dhe operistike shqiptare. Ajo njihej për zërin e saj të veçantë, interpretimet me ndjeshmëri të lartë artistike dhe rolet e shumta në repertorin operistik shqiptar dhe ndërkombëtar.
Më 30 tetor ndërroi jetë në moshën 47-vjeçare Dorian Kongoli, djali i autorit të madh Fatos Kongoli. Dorian Kongoli jetonte e punonte në Neë York prej më shumë se 25 vjet. Aty kishte ndërtuar familjen e tij dhe karrierën e tij në radhët e policisë nju-jorkeze. Prej disa vitesh ai është shfaqur në faqen e Amazon.com edhe si autor romanesh, të botuara me pseudonimin Dorian Keys.
Më 31 tetor 2025, Fatos Nano, ish-kryeministër i Shqipërisë dhe figurë kyçe në udhëheqjen politike pas tranzicionit të viteve ’90, ndërroi jetë në moshën 73-vjeçare pas një beteje të gjatë me sëmundje kronike të frymëmarrjes dhe komplikacione tjera shëndetësore, përfshirë probleme me mushkëritë dhe plagë që u rënduan. Qeveria shqiptare shpalli 2 nëntorin ditë zie kombëtare, duke organizuar homazhe dhe funeral shtetëror në nderim të tij.
Më 26 nëntor 2025, Shpat Kasapi, këngëtar i njohur shqiptar, u nda papritur nga jeta në moshë 40?vjeçare si pasojë e një arresti kardiak të papritur ndërsa ndodhej në Monza, Itali. Lajmi shkaktoi trishtim të madh në skenën muzikore shqiptare dhe reagime të shumta nga fansat dhe kolegët në mbarë botën.
