Të dielën pritet t’i nënshtrohen vaksinimit ndaj Covid-19 personalitetet e njohur shqiptarë të moshës mbi 80 vjeç.
Ky vendim i komunikuar këto ditë nga kryeministri Edi Rama ka ngjallur debate të shumta, duke e cilësuar si vendim selektiv.
Aktori i njohur, Luftar Paja, i cili në fund të këtij viti feston 80-vjetorin e lindjes thotë se deri tani nuk ka marrë ende asnjë ftesë.
Lexo edhe:
Sipas tij jeta është e dhimbshme për të gjithë, por kjo zgjedhje është bërë për mungesë të vaksinave.
“Ata që kanë kontribute të jashtëzakonshme, duhen respektuar për kohërat që kanë punuar e jetuar, por jeta është e dhimbshme për të gjithë.
Edhe pse vlerësohen njerëzit që kanë kontribuar në jetë nuk është keq. Që të vaksinohet Alfred Moisiu ka arsye sepse e justifikon, apo ndonjë tjetër. Nuk ‘priten me thikë’.
Këtë e bën mungesa e vaksinave, se po të kishte vaksina nuk do kategorizoheshin. Qeveria ka qenë e detyruar”, thotë aktori i shquar i skenës dhe ekranit, “Artisti i popullit”, Luftar Paja për Politiko.
