Adela Xhaferri është shqiptarja që humbi jetën në mënyrë tragjike në Itali pasditen e 6 dhjetorit, në moshën 27 vjeçare.
Nga raportimet e para mediat italiane bënë me dije se ajo ishte pasagjere në automjetin që doli nga rruga.
Në këtë aksident nuk pësoi lëndime por kur doli nga makina e përplasur, ajo u shtyp nga një makinë tjetër që po vinte me shpejtësi duke humbur jetën në vend.
Siç bëjnë me dije mediat italiane, Adela Xhaferri natën e së premtes së 6 dhjetorit përfundoi turnin e punës në pastiçerinë Dolce Notte në via Lechi të Breshias.
Jashtë punës e priste i dashuri i saj. Ai e mori 27 vjeçaren në makinë për ta shoqëruar në shtëpinë e tij në Rovato, gjysëm ore me makinë nga qyteti.
Duke dalë nga qyteti, në zonën e Travagliato, makina rëshqiti dhe përfundoi jashtë rruge duke u rrotulluar.
Dy të rinjtë nuk pësuan lëndime. Kur ajo u largua paksa nga makina e përmbysur, një makinë që po vinte drejt saj e përplasi duke e lënë të vdekur. Vetëm 1 metër dhe do të ishte ende gjallë.
I dashuri lajmëroi menjëherë urgjencën, megjithatë ishte e kotë, pasi e reja kishte humbur jetën.
Tashmë policia po rishqyrton edhe një herë shkaqet e aksidentin. Paraprakisht mendohet se të rinjtë nuk ishin të pirë.
