Përkeqësim i motit, Ministria e Mbrojtjes paralajmëron: 5 qarqe në rrezik për reshje me intensitet të lartë

Reshje të dendura dhe intensive priten gjatë ditëve në vijim, kryesisht në veri të Shqipërisë.

Ministria e Mbrojtjes ka njoftuar se sipas informacionit të dërguar nga Qendra e Koordinimit të Emergjencave Civile në Bruksel, Instituti i Gjeoshkencave dhe Shërbimi Meteorologjik Ushtarak, të premten, më 22 nëntor, qarqet Shkodër, Kukës, Dibër, Tiranë dhe Elbasan do të përballen me reshje të intensitetit të lartë.

Në qarqet e tjera të vendit, reshjet do të jenë mesatare, por mund të arrijnë nivele të intensitetit të lartë.

Lexo edhe:

Shkoi të bënte analizat në Tiranë, burri pëson arrest kardiak dhe vdes në laboratorin mjekësor

Kërkoi 1 milion euro dëmshpërblim për prishje imazhi, Gjykata Administrative rrëzon kërkesën për padinë e aktores Anila Bisha ndaj “Diellës”

Ish-ministri socialist denoncon Wizz Air: Tarifat abuzive dhe shërbim i pafuqishëm ndaj pasagjerëve shqiptarë

Këmbimi valutor 23 shkurt/ Me sa blihen e shiten dollari dhe euro, çfarë ndodh me monedhat e tjera

Për shkak të kushteve të motit të pafavorshëm, Agjencia Kombëtare e Mbrojtjes Civile (AKMC) ka kërkuar rritjen e gatishmërisë së strukturave të Mbrojtjes Civile dhe institucioneve që administrojnë hidrovoret, rezervuarët, rrugët, furnizimin me energji dhe ujë, si dhe monitorimin e nivelit të lumenjve.

AKMC u bën thirrje prefekturave dhe bashkive të mobilizojnë menjëherë strukturat e emergjencave civile dhe të monitorojnë me kujdes situatën, sidomos në zonat më të rrezikuara nga reshjet e shumta.