Kreu i qeverisë Edi Rama ka sqaruar deklaratën që bëri pak ditë më parë në Korçë me të cilën shkaktoi shumë reagime në opinionin publik.
Ai tha se 100 të rinj marrin paga nga 1 mije euro deri në 4 mijë euro.
“Në Korçë janë të paktën 100 të rinj që sot fitojnë nga 1-4 mijë euro në muaj, janë komplet në botën e tyre nuk punojnë as në shtet as në privat, por thjesht kanë gjetur punë në internet dhe bëjnë shërbime për të tretë që ju sjellin të ardhura në Shqipëri dhe sot janë 2.4 mln vende pune të lira që konsiderohen si potencial i këtij momenti për shërbime të kësaj natyre për kompani që mund të jenë në fund të botës e arrihen me një klik”, u shpreh Rama në Korçë.
Lexo edhe:
Mirëpo kjo deklaratë ka qarkulluar shumë në rrjet. Rama ka sqaruar deklaratën e tij me anë të disa komenteve në rrjetet sociale me qytetarët.
“Kë dëgjon ti Edin Ramën që të rinjtë e Korçës marin nga 1000 euro në 4000 euro”, shkruan një komentuest në postimin e Ramës.
“Unë nuk kam thënë të rinjtë e Korcës marrin 1000 deri 4000 euro, po kam thene qe ne Korce jane afro 100 te rinj qe punojne online per vende te tjera dhe fitojne edhe me shume se sa 4000 euro ne fakt disa prej tyre, do ti nuk do ti,” shkruan Rama duke sqaruar kështu deklaratën e bërë pak ditë më parë në qytetin e Korçës.
