Alisja Heti ishte vetëm 4 muajshe kur e ëma, Dhurata, kuptoi që ajo kishte probleme me shtyllën kurrizore. Pas disa vizitash me mjekë shqiptarë dhe të huaj, prindërit arritën t’i siguronin vajzës një korse e cila do ta ndihmonte me problemin në shtyllën kurrizore.
Alisja ndjeu përmirësim, por pas pak kohësh familja humbi kontaktet me mjekun e huaj dhe prej vitesh nuk kishin arritur të gjenin një tjetër korse për vajzën, çka ka bërë që vitet e fundit ajo të vuajë shumë, të mos luajë me moshataret e saj e të mos vrapojë dot.
Përmes dëshirës së vëllait, Jurgenit, që është përlotur teksa ka theksuar se nuk kërkonte asgjë për vete, por vetëm që e motra e tij të shërohej, problemi i Alisjas tashmë është zgjidhur.
Përveç korsesë, ajo do të vazhdojë të kryejë gjithë vizitat e nevojshme mjekësore.
Dy histori të tjera, kanë sjellë emocione të forta këtë të shtunë në “Më thuaj një dëshirë”.
Lexo edhe:
Një mbesë kërkonte një ëmbëlsirë gjigande për gjyshen me diabet, ndërsa një vogëlushe tjetër dëshironte që mamaja e saj të mos vishte më rroba të zeza e ta harronte vdekjen tragjike të vëllait, ndodhur përpara 4 vitesh.
Episodin e plotë e gjeni në linkun më poshtë:
