Në intervistën e saj të fundit, Anne Hathaway foli për mëmësinë dhe se si i ndryshoi jetën. Për revistën “WSJ”, aktorja e njohur ka dy fëmijë, Jonathan 6-vjeçar dhe Jack 2-vjeçar, me bashkëshortin dhe njëkohësisht aktorin Adam Sulman.
“Nuk është se kam ndryshuar aq shumë, por mëmësia më ka bërë të dëshiroj të jem plotësisht e vërtetë me botën time, në çdo nivel dhe kjo do të thotë se kam ndalur çdo lloj budallallëku brenda meje”, është shprehur aktorja.
Siç shtoi ajo, është e lodhur nga tendenca e femrave për ta paraqitur shtatzëninë si gjënë më të bukur që u ka ndodhur pasi të gjitha e dinë që ka shumë pika negative. “Ka një tendencë për ta paraqitur shtatzëninë sikur çdo gjë është në rregull.
Nga përvoja ime, e di që gjërat janë shumë të ndërlikuara në realitet. Është shumë e dobishme të shihni se si të tjerët e kanë ndier dhimbjen tuaj dhe nuk jeni vetëm në gjithë këtë. Për çfarë ka për të pasur turp? Ky është pikëllim dhe kjo është një pjesë e jetës”, tha ajo.
Lexo edhe:
Së fundmi, sa i përket karrierës së saj të aktrimit, të cilën e ka nisur shumë herët, aktorja tha se nuk do të dëshironte që fëmijët e saj të bënin të njëjtën gjë. “Ti ke gjithë kohën në botë për të qenë aktor, por mund të jesh fëmijë vetëm një herë”, tha Anne.
