Bëni një pije të rinisë, për të forcuar imunitetin dhe shëndetin e përgjithshëm!
Kakao është konsideruar gjithmonë si një pije e konsumuar kryesisht nga fëmijët, por pak dihet se kakao është një eliksir i rinisë dhe i shëndetit për të gjitha gjeneratat.
Hulumtimet tregojnë se kakaoja nuk është vetëm një pije e shijshme që do t’ju ëmbëlsojë ose ngrohë, por edhe një ushqim i mrekullueshëm për të rritur humorin, për të forcuar imunitetin dhe për të rritur vitalitetin tuaj, transmeton Telegrafi.
Qumështi i kakaos ka një efekt pozitiv në përqendrim, përmirëson kujtesën dhe qarkullimin e gjakut dhe ruan nivelet normale të kolesterinës.
Kakaoja përmban zink, një mineral që është shumë i rëndësishëm për prodhimin e proteinave dhe ruajtjen e shëndetit të mirë.
Kokrrat e kakaos përmbajnë yndyra të shëndetshme, karbohidrate, antioksidantë dhe fibra.
Prania e elementit epikatekin në kakao ndihmon trupin të luftojë proceset inflamatore, zvogëlon rrezikun e diabetit dhe sulmit në zemër dhe goditjes në tru.
Shumë njerëz shmangin konsumimin e kakaos sepse besojnë se ka yndyrë, por nëse e konsumoni me moderim, kakaoja mund t’ju ngop shpejt, të rregullojë oreksin tuaj dhe në këtë mënyrë të zvogëlojë rrezikun e shtimit në peshë.
Receta:
Në 300 ml qumësht të ngrohtë (lope ose dhie) hidhni 1 lugë kakao pluhur, shtoni 1/2 lugë çaji kanellë dhe 1/2 lugë çaji karafil të bluar.
Masën që rezulton vendoseni në zjarr mesatar dhe lëreni të vlojë. Mund ta ëmbëlsoni pijen që rezulton me një lugë çaji mjaltë.
Rekomandohet të pihet në mëngjes, me stomakun bosh.
