rdon My French” erdhi edhe këtë të mërkurë me një episod dinamik padiskutim dhe me dy të ftuara speciale. Bëhet fjalë për Sara dhe Lori Hoxha, producentet e “Big Brother Vip Albania”, të cilat kanë zbuluar më tepër për këtë program kaq të suksesshëm.
Për herë të parë në një intervistë të dyja bashkë në Top Albania Radio, Sara dhe Lori kanë folur për këtë fenomen televiziv, që padiskutim e ka parë çdo shqiptar të paktën një herë. Por si e kanë pritur producentet e “BBV” këtë sukses të jashtëzakonshëm?! Ja çfarë zbulon Lori Hoxha.
“Ky ishte qëllimi i “Big Brother Vip Albania”, që të lëmë çdo hall dhe për disa orë të merremi me diçka që na relakson. Unë kisha një pritshmëri të mirë pasi ky format gjithnjë ka patur sukses, por ka qenë habi e madhe si është pritur dhe sa impakt ka patur në publik. Kam kuptuar që njerëzit i kishte marrë malli për një “Big Brother Vip” të tillë”.
Lexo edhe:
Ndërkohë, Sara Hoxha na tregon se pse sipas saj një Big Brother me personazhe të famshëm përqafohet më shpejt nga publiku.
“Është dhe koncepti VIP-a, pasi që javën e parë ti fillon krijon një afrimitet me dikë që e njihje edhe më parë, fansat janë apasionuar që javën e parë, që muajin e parë”.
E teksa sezoni i parë i “BBV” është fare pranë finales, pyetja kryesore që shtrojnë fansat është se a do të ketë një sezon të dytë të Big Brother me personazhe publike. Ekskluzivisht për TAR, Sara Hoxha na jep përgjigjen e shumëpritur.
“Do të kemi. Gjëra për të rregulluar ka gjithmonë, por mendoj se ka shkuar mirë. Jemi shumë të lumtura me suksesin e “Big Brother Vip Albania”.
