Një aksident tragjik u regjistrua dje në Kamëz, në vendin e njohur si “Tre Fushat”, ku 30-vjeçari Ernest Kurmeka humbi kontrollin e motorit duke u përplasur me një shtyllë tensioni dhe për pasojë ndërroi jetë në vend.
Siç duket edhe në video, i riu futet në parakalim, por teksa mundohet të shmangë një makinë, humb ekuilibrin dhe rrëzohet fatalisht.
Njoftimi i policisë
Lexo edhe:
“Më datë 04.01.2022, rreth orës 13:35, në Kamzë, në vendin e quajtur “Tre fushat”, shtetasi Ernest Kurmeka rreth 30 vjeç, duke drejtuar motomjetin, ka humbur kontrollin mbi drejtimin e motomjetit dhe ka dalë nga rruga duke u përplasur me një shtyllë tensioni.
Si pasojë e përplasjes, shtetasi Ernest Kurmeka ka humbur jetën në vendngjarje. Grupi hetimor ndodhet në vendngjarje dhe po punon për sqarimin e rrethanave të aksidentit”, njofton policia.
