Katër persona kanë ndërruar jetë nga koronavirusi në Shqipëri, ndërsa 119 raste të reja janë identifikuar si të infektuar nga pandemia. Ministria ka dhënë detaje lidhur me pacientët që kanë ndërruar jetë. Në 24 orët e fundit në vend kanë humbur jetën një 67-vjeçare nga Tirana; 82-vjeçar nga Vlora, të dy të shtruar në spitalin Infektiv. Ndërsa në spitalin “Shefqet Ndroqi” ose i njohur ndryshe si COVID-2 ka ndërruar jetë një 75-vjeçare nga Malësia e Madhe dhe një 80-vjeçar nga Tirana, me sëmundje bashkëshoqëruese.
Përveç numrit të viktimave dhe infektimeve, në spitale është rritur edhe numri i personave të shtruar. Deri më tani tek dy spitalet COVID po trajtohen 125 pacientë, 20 në terapi intensive dhe 4 pacientë janë të intubuar.
Nga 482 testime janë konfirmuar 119 raste pozitive, të cilat janë shpërndarë: 69 raste në Tiranë, 8 në Kavajë, nga 7 raste në Krujë, Tepelenë, 5 në Lezhë, 4 në Durrës, nga 3 raste në Elbasan, Pogradec, nga 2 raste në Shkodër, Fier, Korçë, Has, Lushnje, dhe nga 1 rast në Mallakastër, Kamëz, Malësi e Madhe.
Lexo edhe:
Sa i përket numrit të të shëruarve, 45 qytetarë janë “pastruar” nga çdo gjurmë e pandëmisë duke e çuar totalin në 2397 persona.
