Vetëm pak ditë më parë, dy ish-konkurrentët e “Për’puthen+40” i dhanë fund lidhjes së tyre. U duk sikur mes Gilbertës dhe Ilirit po lindte një histori e bukur, por gjërat nuk shkuan ashtu siç fansat apo edhe ata kishin menduar.
Ishte vetë Gilberta ajo që dha lajmin e ndarjes së tyre përmes një postimi në “Instastory”. Madje ajo bëri edhe veprimin e papritur, duke fshirë të gjitha fotot që kishin bashkë, edhe pse ishte shprehur se nuk kishte arsye pse t’i hiqte nga “Instagram”-i.
Por duket se ndjekësit ende nuk janë mësuar me këtë fakt, pasi ata i donin bashkë. E duke qenë se u duket e pabesueshme, ata herë pas here e pyesin mësuesen nëse është e vërtetë që ata janë ndarë. “Seriozish s’do bashkoheni ti dhe arushi?”, e ka pyetur dikush.
Lexo edhe:
“Seriozisht jo. Ju lutem mos më shkruani më për Ilirin. Nuk është pjesë e jetës time”, është përgjigjur Gilberta teksa ka postuar një foto ku shfaqen të dy.
Më pas fansat e kanë pyetur edhe në lidhje me një ish-konkurrent tjetër, Luanin, me të cilin është parë së fundmi në shoqërinë e tij. Ajo ka sqaruar se e ka vetëm shok, e madje e ka prezantuar me një shoqe të saj.
Ndërsa e pyetur nëse pranon lidhje me burra më të vegjël se ajo, Gilberta është shprehur se jo.
