Nga përmbytjet në Gjermani humbën jetën tre shqiptarë nga Kosova, mes tyre çifti Shaban e Raze Delija. Dy të moshuarit janë përcjellë ditën e sotme për në banesën e fundit në fshatin Zahaq të Pejës.
Kryeministri Albin Kurti u dërgoi sot një telegram ngushëllimi familjarëve. “Ju shpreh ngushëllimet e mia më të sinqerta dhe bashkëndjejë me ju në këto ditë të rënda dhimbjeje e pikëllimi për familjen tuaj”, ka shkruar kryeministri Kurti në letrën e ngushëllimit.
