Kur vendosën që të largoheshin nga familja mbretërore, Meghan Markle dhe Princ Harry, u goditën shumë në pjesës e parave. Ka qenë komentatorja mbretërore, Daniela Esler, e cila është shprehur se pasi çifti mbretëror u largua nga Mbretëria e Bashkuar, ka pasur shpenzime të mëdha.
“Harry dhe Meghan më në fund kanë jetën që dëshironin por largimi i tyre nga Familja Mbretërore ka ardhur me një kosto të madhe, të dy anshme: marrëdhëniet e Harry me familjen e tij duket se janë prishur totalisht dhe gjithashtu ata nuk po ja dalin dot me shpenzimet e mëdha që kanë”, ka treguar Esler.
Në gusht të vitit të kaluar, Dukesha dhe Duka i Sussex u transferuan në një rezidencë prej 11 milionë paund në Montecito, Santa Barbara. Çifti besohet se po paguante për pronën me nëntë dhoma gjumi me një hipotekë pasi kishin tashmë një depozitë të majme.
“Blerja e pronës nga Sussex ishte një ngjarje historike si për Harry ashtu edhe për Meghan, shtëpia e parë që secili prej tyre kishte pasur ndonjëherë. Për Dukën, ishte gjithashtu hera e parë që bënte një blerje vetë.
Në 35 vitet e para të Harry-t, deri në Megxit, për shpenzimet e tij është kujdesur familja mbretërore e ndjekur nga Ushtria, dhe pastaj Familja Mbretërore përsëri. Lëvizja në Shtetet e Bashkuara të Amerikës e bëri atë të kuptonte se duhej një pasuri e madhe për të paguar vetë shpenzimet për saunat, stafin e shtëpisë, ndihmësit, makinat pagesat e hipotekave dhe sigurinë”, tha ekspertja.
Teksa fliste për mediat e huaja, Esler shtoi gjithashtu se çifti mund të ketë paguar rreth 5 milionë paund për depozitën. Ata gjithashtu paguajnë rreth 4.29 milionë çdo vit në shpenzimet e shtëpisë – duke përfshirë një hipotekë 466,170 paund, rreth 290,900 për stafin e shtëpisë dhe sigurinë prej 3,2 milionë paund.
Në fund të marsit të vitit 2020, Meghab dge Harry u larguan zyrtarisht nga familja mbretërore. Që në ato momente, ata nuk kishin më të drejtë të kishin sigurinë të paguar nga taksapaguesit britanikë.
Pasi u bë i pavarur financiarisht, Harry nuk mori më mbështetje monetare nga babai i tij, Princi Charles përmes Dukatit të Cornwall, një humbje financiare për të cilën ekspertja beson se arrin në rreth 3.64 milionë paund çdo vit.
