Edhe pse kanë kohë që nuk jetojnë me njëri-tjetrin, Nora Istrefi dhe Robert Berisha, bëhen bashkë sa herë që vajza e tyre ka nevojë për praninë e të dy prindërve. Sa herë që Renee ka ditëlindjen apo ndonjë event tjetër, ata bëhen bashkë për të festuar me njëri-tjetrin.
Një ditë më parë, e vogla e tyre ka përfunduar ciklin e parashkollorit dhe është diplomuar. Në ceremoninë e diplomimit të vogëlushes kanë qenë të pranishëm të dy artistët, si Nora po ashtu edhe Roberti. Ata kanë ndarë në rrjete sociale foto dhe video të vogëlushes, e cila shfaqet përkrah miqve të saj,
“Jeta ime, urime përfundimin e parashkollorit! Të dua luleshtrydhja ime”, shkruan Nora në një postim.
Më pas ajo ka publikuar dhe një video të shkurtër në të cilën Roberti shihet duke mbajtur mbi shpatulla të voglën. Kështu, Nora na ka vërtetuar dhe një herë se ajo dhe ish-bashkëshorti vazhdojnë të ruajnë raportet miqësore për hir të vajzës.
