Kryeministri britanik, Boris Johnson është përfshirë në një aksident ditën e sotme teksa po largohej nga Parlamenti.
Johnson ishte në një makinë duke dalë nga Parlamentit në Westminster kur një protestues doli në rrugë për të sulmuar eskortën e kryeministrit.
Në momentin kur protestuesi ka dalë para makinës, shoferi ka frenuar menjëherë dhe makina ku ndodhej kryeministri është goditur nga mbrapa nga një ‘Range Rover’.
Pak kohë më parë ai u diagnostifikua me Covid-19 dhe gjendja e tij shëndetësore ishte e rënduar, e megjithatë e fitoi betejën me këtë sëmundje.
