Këngëtarja përfaqësuese e Shqipërisë në Eurovision, Anxhela Peristeri pritet që ditën e nesërme të ngjitet në skenën e “Eurovision 2021” më këngën “Karma”.
Ajo prej ditësh së bashku me ekipin e saj po qëndron në Rotterdam dhe po merr pjesë në intervista të ndryshme ku po tregon dhe vlerat që ka Shqipëria.
Në një dalje për mediat, Anxhela bëri me duar shqiponjën dykrenare, veprim i cili nuk është pritur mirë nga serbët, të cilët menjëherë kanë filluar ta “sulmojnë”.
Media serbe “Novosti” ka shkuar madje një artikull në lidhje me këtë veprim të Anxhelës, duke e cilësuar si provokim.
“Skandal në Eurovision: Simboli i Shqipërisë së madhe, një provokim i turpshëm para gazetarëve”, ishte titulli i lajmit në Serbi. Përfaqësuesja e Shqipërisë, Angela Peristeri dhe bashkëpunëtori i saj dolën para shtypit dhe treguan simbolin e Shqipërisë së Madhe, të ashtuquajturën “shqiponja dykrenare” në mënyrën shqiptare. Ju kujtojmë se Eurovision në parim ndalon promovimin politik në veprimtarinë e saj. Ajo ndau një foto me të njëjtën temë një javë më parë”, thuhet ndër të tjera në artikullin e mediave serbe.
