Reperi i njohur, Stresi, ka reaguar sot në lidhje me vrasjen e Mehmet Qemës, i cili mbeti i vrarë mbrëmjen e kaluar teksa po rrinte në një lokal me miqtë e tij. Ai u ekzekutua aksidentalisht nga miku i tij.
Ndërkohë Stresi ka postuar një fotografi në “Instastory” ku shfaqet së bashku me 27-vjeçarin dhe bashkëngjitur me të shkruan: “Vim shpejt meek meek, unë me dy G ik ik”. Gjithashtu reperi e ka shoqëruar postimin me disa emoji lutjeje.
Ndërkohë nga pamjet e publikuara në media në lidhje me vrasjen e të riut, vihet re se si Qema i bënte me shenjë shokut që të largonte armën. Por 28-vjeçari, Marius Dema, vazhdoi ta mbante në dorë armën që i mori jetën Mehmetit.
Policia ka njoftuar se përveç Marius Demës që u vetëdorëzua disa orë pas krimit, u vetëdorëzuan edhe 3 shokë të tjerë që gjendeshin së bashku me ta përtej orës policore.
Nga ana tjetër bëhet e ditur se është në arrati vetëm njëri prej personave të pranishëm në vrasje. Autori, Marius Dema u soll në vendngjarje disa orë më pas për të treguar se ku ishte hedhur pistoleta e krimit, ndërkohë që u shfaq i traumatizuar.
“As unë nuk e di se si ndodhi”, ka deklaruar para prokurorisë 28-vjeçari.
