Puntatën e djeshme në “Për’puthen” u transmetua takimi i vajzës së re, Ola me Muratin. Ata u shfaqën shumë të afërt me njëri-tjetrin dhe kjo gjë e nervozoi shumë Sindin, e cila ka deklaruar më herët se është në program vetëm për Muratin.
Pasi u dha i gjithë takimi, Sindi e cilësoi Muratin si çunak që jepet vetëm për gjënë fizike dhe bie pre e provokimeve.
“Kam sakrifikuar për një lidhje që ka qenë një gënjeshtër. Unë e konsideroja lidhje emocionale dhe mendoja se vërtetë kishim diçka që mes njëri-tjetrit ishte në progres, por në të vërtetë që provokimi i parë nga një femër e re, Murati i është dhënë. Mendoja se ishte mashkulli që i jepet një femre që i jep ndjenjat, jo gjënë fizike”, tha Sindi e prekur.
Lexo edhe:
Pas takimit 4-minutësh që zhvilluan në studio, Murati i kërkoi Sindit ta tërheqë deklaratën që është vetëm për të në emision dhe është e lirë të dalë me kë të dojë. Sindi e tërhoqi deklaratën dhe u shpreh tepër e zhgënjyer.
Ndërsa pasi ka mbaruar puntata, duket se Sindi ka shpërthyer në lot në prapaskenë. Në aplikacionin e “Për’puthen” është publikuar momenti kur ajo nuk është ndjerë aspak mirë.
