Biznesmeni i njohur dhe mjaft i komentuar në media, Elton Ilirjani, ishte e ftuar në emisionin “Zonë e Lirë” këtë të premte, dhe ka folur në lidhje të drejtpërdrejtë nga SHBA.
Gjatë intervistës, Ilirjani ka bërë të ditur se po i bashkohet besimit katolik. “Po i bashkohem besimit katolik. E para, nuk mendoj që ka ndonjë problem tek të dyja, mendoj që askush nuk ka të drejtë të gjykojë e të vendosë si dikush mund të bashkëjetojë me Zotin. Në Bibël thuhet që të gjithë falen nga Krishti. Përsa i përket sa e praktikoj seksualizmin tim, këto janë gjëra personale, janë stigma. Të gjithë jemi të lirë dhe mund të bëjmë diçka që mund të na ndryshojë për mirë a për keq, nuk mund të themi dot pse je gay. Zoti nuk merret me këto gjëra. Çështja e besimit fetar është shumë personale, nuk e kuptoj pse mund të marr aprovimin nga një Prift për të besuar në Zot”, ka thënë Ilirjani.
“Më pëlqen ideja që Eltoni po flet për besimin. Relativizmi i së keqes, është një problem i madh në fe. Në momentin që ti zgjedh të jesh me besimin, rruga ngushtohet. Çdo njeri ka një përqasje të ndryshme mbi besimin, religjionin. Më duket sikur Eltoni, qofsha i gabuar, po kërkon që duke relativizuar atë çfarë një gay nuk mund të jetë, një praktikant i vërtetë i besimit, po bën një proklamim që ata që e dëgjojnë, që mund të jesh gay dhe besimtar. Unë them jo”, ka thënë Pastor Akili që është i ftuar po ashtu në “Zonë e Lirë”.
Lexo edhe:
Duke folur për politikanët, Ilirjani tha se Edi Rama është i vetmi politikan që ka estetikë dhe është i paraqitshëm. Teksa u ngacmua nga Arjan Çani se me cilin politikan do donte të bashkëjetonte, ai përjashtoi kryeministrin. Ndërsa për Lulzim Bashën ai u shpreh se nuk donte një bashkëjetesë, pasi krahu i djathtë tij, Flamur Noka është kundër LGBTI-së. Për Ilir Metën, ai tha se nuk do e linte gruaja e tij, Monika Kryemadhi.
“Rama është më mirë ekstetikisht se të gjithë ata aty. Jo Rama si mashkull nuk më pëlqen, por është më i paraqitshëm se të tjerët. Të paktën ka estetikën. Kur shkon jashtë prezantohet si kryeministër i Shqipërisë dhe ka lezet, sa një kryeministër më parë që nuk fliste dot anglisht. Të bashkëjetoja me Lulin? Me Lulin edhe të doja unë, s’do donte Luli, ka krahun e tij të djathtë kundër LGBT, janë kundër kauzës. Berisha është pak i vjetër, Ilir Metën nuk e lë Monika. Krahu i djathtë i Lulit është ai Flamuri që doli e bëri thirrje kundra LGBT-së”, u shpreh Elton Ilirjani.
