Pas ndarjes së përfolur nga Sara Berisha, DJ PM është përfshirë së fundmi në aludime për një lidhje të re me Almedina Ismajlin, motrën e modeles Arbenita Ismajli.
Dyshimet nisën pasi DJ PM filloi ta ndiqte Almedinën në Instagram, ndërsa pak ditë më herët ajo kishte publikuar në InstaStory një fotografi të DJ PM, të realizuar në një nga pishinat e Prishtinës. Këto detaje mjaftuan që në rrjetet sociale të ngriheshin pikëpyetje për natyrën e raportit mes tyre.
Ndërkohë, së fundmi në rrjet ka qarkulluar edhe një fotografi ku pretendohet se DJ PM shfaqet i afërt me një vajzë gjatë pushimeve, duke shtuar edhe më shumë aludimet. Megjithatë, deri tani nuk ka pasur një konfirmim nga dyshja për një lidhje romantike.
Lexo edhe:
Pikërisht për këto raportime ka reaguar për herë të parë publikisht DJ PM. Përmes një postimi në Instagram, ai ka kundërshtuar informacionet që, sipas tij, janë publikuar pa u verifikuar.
“Dua të reagoj publikisht ndaj disa shkrimeve të publikuara së fundmi për mua.
Është e papranueshme që të publikohen informacione të pavërteta dhe të paraqiten si fakte, pa u verifikuar më parë me mua apo me burime të besueshme. Lajmet e tilla dëmtojnë padrejtësisht imazhin dhe reputacionin tim.
I bëj thirrje portaleve që të tregojnë profesionalizëm dhe përgjegjësi dhe të mos publikojnë më informacione të pavërteta vetëm për të tërhequr klikime.
Për çdo informacion që lidhet me mua, jam i gatshëm të jap sqarimin tim dhe faktet e sakta. Nëse këto publikime vazhdojnë, do të detyrohem të ndërmarr edhe hapat e nevojshëm ligjorë për mbrojtjen e reputacionit tim.
Faleminderit të gjithëve që informohen nga burime të besueshme dhe nuk bien pre e lajmeve të pavërteta.”
Me këtë reagim, DJ PM nuk përmend drejtpërdrejt emrin e Almedina Ismajlit, por e bën të qartë se kundërshton informacionet e publikuara së fundmi për jetën e tij private.
