Gjatë javës së parë të qëndrimit në shtëpinë e “Big Brother VIP”, është vënë re një afrimitet i madh i Beniada Nishanit me Ardit Çunin dhe me Donald Veshajn. Mbrëmjen e djeshme, secili prej konkurrentëve sqaroi raportin që ka me njëri-tjetrin, pasi duket sikur është krijuar një trekëndësh dashurie.
Teksa fliste në dhomën e rrëfimit, Arditi tha se është ende herët për të folur për gjëra të mëdha, por pranoi publikisht se Beniada është konkurrentja e vetme të cilën mund ta shohë më shumë se sa thjesht shoqe.
“Jemi akoma shumë herët për të folur për gjëra shumë të mëdha. Kështu që unë ja kam lënë kohës për çdo lloj njohje të mundshme, edhe pse ky nuk është synimi im brenda shtëpisë së ‘Big Brother’.
Por me rëndësi është që me Benin, Beniadën, se ia kemi vënë shkurt Beni, kalojmë shumë mirë edhe ka qenë humori i këtyre ditëve. Vajzat e tjera i kam përjashtuar nga mundësia për të pasur një histori dashurie, sepse opsionet janë shumë të vogla, sepse disa prej tyre i njoh jashtë dhe e di se çfarë jete kanë”,- tha Çuni.
Ndërkohë, Beniada tha se me Arditin është lidhur më shumë në krahasim me konkurrentët e tjerë gjatë kësaj jave.
“Me Ardin, kam gjetur një djalë shumë të thjeshtë, me një karakter afërsisht si i imi dhe kemi shkuar shumë shpejt dakord, por edhe me Kledin u kënaqëm këto ditë, avash-avash po njohim të tjerët.”
Ndërsa për Donaldin, modelja seksi tha se është shumë tip interesant dhe i lezetshëm për t’u njohur.
“Donaldi është shumë interesant, më pëlqen shumë. Është një djalë pa filtër, është shumë i lezetshëm për t’u njohur”.
Nga ana tjetër, Donaldi ka treguar se nuk i ka parë gjërat ashtu, por shtoi se nuk ka asgjë më shumë se aq.
“E pashë klipin, se kuptova pse i kishit vënë atë muzikë, se m’u duk vetja si në dasmë. E kuptoj, por nga situata që kemi qenë duke bluar kafenë, ato veprime mund të kenë qenë të nevojshme.
Unë nuk i kam parë gjërat ashtu, por prapë Beniada është gocë e mirë, që ke qejf të bësh muhabet. Por kaq. Ajo muzika e lehtë nga mbrapa nuk është… shiheni si diçka normale. Të gjithë janë ndihmuar duke pirë cigare dhe ujë.”
