Saimir Tahiri rikthehet në vëmendjen e publikut me një prodhim të ri multimedial në bashkëpunim me ZËRI, ku ish-ministri i Brendshëm do të rrëfejë një prej periudhave më të diskutuara të viteve të fundit në Shqipëri.
Projekti do të sjellë dëshminë e Tahirit, por edhe rrëfime e këndvështrime të personave që kanë qenë pjesë e ngjarjeve dhe i kanë përjetuar nga afër. Përmes kujtimeve, dëshmive dhe materialeve autentike, synohet të rindërtohen momente të rëndësishme dhe më pak të njohura për publikun, duke sjellë disa perspektiva mbi historinë e tij publike dhe politike.
Në kohën kur drejtonte Ministrinë e Brendshme, Tahiri u cilësua nga kryeministri Edi Rama si “ministër kampion”, një deklaratë që u bë e njohur në atë periudhë.
Lexo edhe:
ZËRI ka paralajmëruar se publikimi i parë i këtij prodhimi nis sot, ndërsa në javët në vijim do të prezantohen pjesët e tjera të rrëfimit.
