Pas fitores së “Big Brother VIP 5”, Selin Bollati duket se nuk ka ndërmend të largohet nga ekrani. Ajo rikthehet në Top Channel këtë sezon me një surprizë që, siç ka treguar vetë, e ka ëndërruar gjithmonë.
Por përtej televizionit, muajt pas përfundimit të reality show-t kanë sjellë ndryshime të rëndësishme edhe në jetën e saj personale. Selin dhe Gimbo, historia e të cilëve nisi brenda shtëpisë së “BBVIP”, vijojnë lidhjen e tyre edhe jashtë saj dhe tashmë bashkëjetojnë.
“Jam shumë e dashuruar. Ai është një bekim”, është shprehur Selin, duke folur me shumë dashuri për partnerin e saj. Ajo ka zbuluar gjithashtu një prej surprizave më të mëdha që Gimbo i ka bërë: një makinë Audi, dhuratë që e kishte dëshiruar prej kohësh.
Lexo edhe:
Tashmë, Selin duket se po jeton një kapitull të ri, ku ndërthur dashurinë, jetën në çift dhe rikthimin në televizion, këtë herë në një rol të ri në Top Channel. Ne nje interviste ne Ftese ne 5 ajo konfirmoi se kete sezon do te jete nje prej moderatoreve në emisionin “Goca dhe gra”.
