Këngëtari i njohur shqiptar, Ermal Meta, pak kohë pasi zbuloi që do të bëhej baba për herë të parë, ka zbuluar edhe emrin që do i vendosë vajzës së tij, e cila pritet të vijë në jetë në qershor.
Në një intervistë për mediat italiane, Ermal Meta tregoi se vogëlushja do të quhet Fortuna Marie.
“Një aventurë e bukur do nisë. Ajo do të quhet Fortuna Marie”, shprehet Ermali në emisionin ‘Verissimo’.
Lexo edhe:
Ndërkohë, ai tregoi edhe se titullin e albumit të tij të ri “Buona Fortuna” ia ka kushtuar të së bijës.
“Ne e morëm vesh lajmin kur kisha filluar të punoja për albumin dhe më duhej të konceptoja gjithçka përsëri nën dritën e një energjie tjetër”, shpjegon këngëtari.
Gjithashtu Ermali mes emocionesh ka rrëfyer se mezi pret që të takojë të bijën.
“Kam biseduar me miq të tjerë, thonë se është normale të ndjesh këto emocione. Jam i ngrirë dhe i lumtur duke pritur të shoh fytyrën e saj”, tha ai.
Lajmin se do bëhej baba ka dhënë vetë këngëtari në një postim në rrjetin social Instagram.
Ai publikoi foton e një pulovre të bardhë që i kanë blerë foshnjën, ndërsa shkroi: “Kjo do të jetë pulovra jote e parë. Ne do të presim për ty. Mos u ngut, por mos u vono shumë sepse nuk mundemi pa ty tani. Ne do të presim për ty fortuna e vogël, na sillni verën. Mami dhe babi juaj”.
Këngëtari rigjeti dashurinë pas më shumë se 2 vitesh kur i dha fund marrëdhënies 9-vjeçare me Silvia Notargiacomo.
Ai nisi një romancë të re me Chiara Sturdà dhe e publikisht lidhjen gjatë periudhës së izolimit, ku zbuloi se prej disa kohësh ishin fejuar.
