Prej më shumë se 4 vitesh Era Istrefi ka bërë mungesa në muzikë, e duket se shkak për këtë ka qenë ngërçi i krijuar me shtëpinë diskografike “Ultra Music”, por tashmë duket se çdo gjë është rregulluar.
Hajriz Bajrami, menaxheri i Era Istrefit ka qenë i ftuar në “Goca dhe Gra” në Top Channel ku ka folur për klipin e ri dhe ka zbuluar disa detaje ekskluzive, përsa i përket Erës. Klipi titullohet “Bebe” dhe është në bashkëpunim me Clydiee, i cili publikohet ditën e enjte, por ju mund të ndiqni disa nga prapaskenat.
Gjithashtu ai nuk ka ngurruar të tregojë se rënia në karrierë e Era Istrefit ka qenë për shkak të menaxhimit të gabuar, që në këtë rast supozohet ta ketë për Faton Shoshin, duke qenë se ai njihet si menaxheri i vetëm i kësaj të fundit.
