Marrëdhënia mes këngëtares Rihanna dhe producentit Rakim Nakache Mayers, i njohur më mirë me emrin e tij skenik ASAP Rocky thuhet se ka marrë fund.
Teksa po presin të lindte foshnja e tyre dhe pas gati një viti e gjysmë që kishin bërë publike lidhjen, dashuria që ata krijuan duket se u shkatërrua pas një tradhtie të bërë nga kantautori amerikan.
Louis Pisano, një influencues dhe komentues i modës, i cili në Instagram ka 130 mijë ndjekës dhe më shumë se 19 mijë në Twitter, ka ndezur thashethemet në rrjete sociale.
Lexo edhe:
“Rihanna dhe ASAP Rocky janë ndarë. Rihanna u nda me të pasi e ka zënë duke e tradhtuar me stilisten e këpucëve Amina Muaddi”, thuhet në një koment të bërë.
Në pak minuta, stilisti i modës thekson se e ka tradhtuar gjatë Javës së Modës në Paris, gjersa ky postim arriti gati 17 mijë pëlqime dhe u shpërnda më shumë se 10.6 mijë herë dhe me mbi 2400 komente.
Bie në sy se ky skandal lind pasi pak ditë më parë u publikua pjesë e një seti fotografik për revistën “Vogue”, ku Rihanna tregon shtatzëninë e saj.
Kush është vajza që u fut në mes të çiftit
Kur bëhet fjalë për këpucët, Amina Muaddi është stilistja më në trend e momentit.
Këpucët e Amina Muaddit janë veshur nga Kylie Jenner, Rihanna dhe më shumë yje të tjerë.
Ajo së fundmi ka qenë e përfolur në rrjet në masë të madhe si një ndërhyrje në mes të çiftit, Rihanna dhe ASAP Rocky.
Muaddi është një stiliste dhe sipërmarrëse këpucësh e njohur për markën e saj personale.
Ajo është paraqitur shumë herë në revistën “Vogue” për dizajnët e saj dhe për bashkëpunimin me kompaninë e Rihannas, Fenty.
Dizajnerja e re ka mbi një milion ndjekës vetëm në Instagram.
“British Vogue” e quajti atë një nga ‘5 dizajneret më të famshme’.
Muaddi i tha “British Vogue” në vitin 2019 se është shoqe me stilistin e Ririt dhe kështu filloi lidhja e tyre.
