Një makinist treni në Japoni paditi kompaninë e tij pasi kjo e fundit e gjobit me 50 cent për shkak të një vonese njëminutëshe gjatë një udhëtimi në qershor të 2020.
Kompania e trenave JR West e gjobiti makinistin pasi një ngatërresë në turne shkaktoi nisjen e trenit me një vonesë prej një minutë, që në sistemin e përpiktë hekurudhor japonez është shumë.
Mekanisti kërkon rreth 15 mijë dollarë për ankthin mendor dhe “njollosjen” e CV-së së shkaktuar nga gjoba simbolike.
Lexo edhe:
Sipas faqes japoneze të lajmeve, Soranews24 makinisti duhej të drejtonte një tren pa pasagjerë për në stacionin Okayama në jug të vendit, por mbërriti në platformën e gabuar.
Në kohën kur ai e kuptoi gabimin e tij dhe kishte nxituar në platformën e duhur, transferimi midis dy shoferëve ishte vonuar me dy minuta, duke çuar në një vonesë prej një minutë në nisjen e trenit dhe një vonesë në një minutë në magazinimin e trenit në hambare.
JR West fillimisht e gjobit burrin 0,55 dollarë, por më vonë ra dakord të ulte gjobën në 0,49 dollarë pasi shoferi e dërgoi çështjen në Zyrën e Inspektimit të Standardeve të Punës në Okayama.
Megjithatë, punonjësi refuzoi të pranonte uljen dhe ka argumentuar se vonesa nuk shkaktoi asnjë ndërprerje aktuale në oraret, ose pasagjerët pasi treni ishte bosh gjatë incidentit.
Por kompania thotë se zbatoi parimin “nëse nuk punon, nuk ka rrogë”, siç do të bënte për ardhjen me vonesë të një punonjësi, ose një mungese tjetër të pashpjegueshme.
Mekanisti e dërgoi çështjen e tij në Gjykatën e Qarkut Okayama në mars, ku tani po kërkon dëmshpërblim.
Sistemi hekurudhor i Japonisë është i njohur për besueshmërinë dhe korrektesën e tij. Në vitin 2017, një kompani hekurudhore kërkoi falje pasi një nga trenat e saj u largua nga një stacion 20 sekonda më herët dhe nëse një tren vonohet për më shumë se pesë minuta, pasagjerëve u jepet një certifikatë që mund ta përdorin si justifikim për vonesën në punë.
