Kryeministren italiane e gjeti dita e lindjes në Emiratet e Bashkuara Arabe. Ajo festoi sot 48 vjetorin e lindjes.Ajo ka lindur më 15 Janar 1977 në Romë.
Atje ndodhet edhe kryeministri shqiptar, Edi Rama, i cili ka vendosur t’i bëjë një dhuratë homologes së tij italiane. Ai i ka dhuruar një shami teksa nuk ka ngurruar edhe ta komentojë mbrapa pasi ia vendosi Melonit në kokë.
“Me sheiken”, i thotë Rama.
Lexo edhe:
Me shaka Meloni i ka thënë se “duhet të ndalojë me këtë histori” ndërsa më pas e ka përqafuar kreun e qeverisë shqiptare. Rama i ka shpjeguar Melonit se shalli është prodhuar nga një italian që vite më parë u zhvendos në Shqipëri, ndërsa tani ka marrë edhe nënshtetësinë shqiptare.
Batutat
Rama, i ulur në gjunjë në Adnec Centre të Abu Dhabi-t, iu drejtua Melonit me “Madhëria juaj…” dhe i dorëzoi një dhuratë për ditëlindjen e saj të 48-të.
Kryeministrja e falënderoi Ramën, duke i thënë: “Çfarë personazhi je!”.
Një minutë më vonë Rama i vendosi dhuratën Melonit, një shall i madh mëndafshi i bardhë me imazhe të kulturës popullore shqiptare të stampuara në gri dhe të zezë.
“U kërkova gazetarëve që të këndojnë ‘Gëzuar Ditëlindjen’, meqë të pëlqen aq shumë!”, iu drejtua Rama-Melonit dhe më pas ai iu drejtua gazetarëve: “Jeni këtu për t’i kënduar ‘Gëzuar Ditëlindjen’, apo jo?”, me Melonin që më pas iu kthye duke qeshur: “Mos më vendos në siklet”.
