Flor Binaj ka njoftuar se është larguar nga “Portokalli” pas 18 vitesh eksperiencë në të. Përmes një postimi në Instagram Flori ka shpjeguar se ky largim nuk lidhet me protestat apo përfshirjen e tij në politikë, por misione të reja që lidhen me rrugën artistike të tij.
Mirëpo ky vendim i Binajt nuk është pritur mirë nga ndjekësit dhe adhuruesit e artit të tij. Të shumtë kanë qenë komentet që kanë shprehur zhgënjim për këtë largim të papritur. Shumica prej tyre shkruajnë se Flor Binaj ka qenë shtylla e Portokallisë dhe tashmë ai emision humori nuk ka më vlerë pa të.
