Në shoqërinë moderne ne kemi mësuar të gjejmë lumturinë në gjëra kalimtare që në fakt nuk na ofrojnë gëzim të vërtetë. Blerja e një veshje të re, një makine ose shtëpia e ëndrrave tona me siguri do të na japë kënaqësi, por nuk është faktori kryesor i lumturisë së vërtetë.
Sipas psikologëve, lumturia është diçka që duhet ta kultivoni brenda vetes me vetëdije dhe në planin afatgjatë. Lajmi i mirë është se ka shumë gjëra të lehta dhe praktike që mund të bëni çdo ditë për t’u ndjerë më të qetë, më të lumtur dhe më të plotë.
Shkoni për një shëtitje
Lexo edhe:
Diçka aq e thjeshtë sa të dilni jashtë për disa minuta për të marrë disa frymë thellë me ajër të pastër mund të jetë një burim i rëndësishëm gëzimi, veçanërisht kur kaloni gjithë ditën në një zyrë. Ecni për disa minuta në ritmin e muzikës tuaj të preferuar. Kjo do t’ju relaksojë dhe qetësojë.
Buzëqeshni
Një buzëqeshje është një mënyrë e lehtë për të prekur lumturinë. E qeshura çliron dopaminë, serotonin dhe endorfinë, të cilat rrisin disponimin dhe ju bëjnë të ndiheni shumë më mirë.
Nxirrni fëmijën që fshihni brenda
Bëni një aktivitet më “fëminor” që do t’ju ndihmojë të relaksoheni.
Telefononi ose takoni një mik
Tregoni lajmet tuaja, diskutoni atë që ju shqetëson dhe argëtohuni me mikun tuaj. Është më mirë të takoheni jashtë sesa të flisni në telefon. Megjithatë, telefonata me video është një alternativë e mirë kur nuk ka mundësi për një takim ballë për ballë.
Shkruani një ditar
Sipas ekspertëve, ditari është një teknikë efektive për t’u ndjerë më mirë me veten. Shkrimi për ndjenjat tuaja (pozitive ose negative) ju ndihmon të mendoni dhe të jeni më të vetëdijshëm në të ardhmen.
Bëni dush
Një dush i ftohtë është treguar se ndihmon në përmirësimin e qarkullimit të gjakut, kështu që në teori mund të ndihmojë në uljen e stresit dhe euforisë.
