Pas deklaratës së Rozana Radit në Big Brother VIP Albania 4, ku ajo përmendi një konflikt të kaluar me Rezarta Shkurtën dhe u shpreh se ishte shpallur e pafajshme, ka ardhur edhe reagimi i Rezartës.
Në një postim në rrjetet sociale, Rezarta sqaroi të vërtetën sipas saj, duke u shprehur:
“Më keni shkruar kaq shumë dje… E vërteta, me pak fjalë: Unë dhe Rozana, rreth vitit 2008, kemi qenë në një show së bashku dhe kemi pasur një konflikt shumë të vogël, një debat i parëndësishëm, sidomos krahasuar me çfarë ndodh sot në Big Brother. Tema? T’i bëjmë pastat me salcë apo me domate të freskëta?!”
Lexo edhe:
Ajo mohoi që të ketë pasur ndonjë përplasje fizike mes tyre, duke thënë se nuk ekziston asnjë video dhune, pasi një gjë e tillë nuk ka ndodhur kurrë.
Megjithatë, ajo pranoi se në vitin 2012 pati një tjetër konflikt me Rozanën, këtë herë për arsye profesionale dhe jo për arsye personale siç është aluduar në rrjet.
“Po, kemi qenë të reja, dhe si atëherë, edhe sot, shumë gjëra bëhen për të krijuar zhurmë. Por pas kaq vitesh, këto konflikte janë të harruara si për mua, ashtu edhe për Rozanën,” – tha Rezarta.
Ajo theksoi se, ndonëse nuk kanë qenë mike, nuk kanë qenë as armiqe, madje shtoi se gjatë këtij edicioni të Big Brother ka parë tek Rozana një vajzë më të rritur dhe të pjekur.
“Le të kujtojmë se jeta reale ka më shumë vlerë se dramat televizive,” përfundoi ajo.
