Klea Huta ka hedhur poshtë në mënyrë të tërthortë zërat për ndarje nga Elgit Doda.
Moderatorja dhe këngëtarja ka publikuar së fundmi në Instagram disa foto ku vihet re qartë unaza në dorë, duke mbyllur kështu thashethemet që qarkulluan ditët e fundit në rrjete sociale.
Zërat për një krizë në çift nisën pasi prej kohësh ata nuk kishin më foto të përbashkëta në profilet e tyre, çka u interpretua nga ndjekësit si shenjë ftohjeje. Megjithatë, faktet flasin ndryshe.
Vetëm tre javë më parë, Klea komentoi në një postim të Elgitit, ndërsa të dy vazhdojnë ta ndjekin njëri-tjetrin në Instagram.
Të gjitha këto detaje tregojnë se marrëdhënia e tyre duket e qëndrueshme, pavarësisht mungesës së shfaqjeve publike së bashku.
