Edhe pse ka qëndruar 3 muaj pa dale nga shtëpia dhe duke respektuar masat për frenimin e përhapjes së Covid-19, këngëtarja nga Kosova, Adelina Thaçi nuk i ka shpëtuar infektimit me virusin.
Sipas saj, kjo ka ndodhur sepse ka njerëz të papërgjeshëm që nuk tregojnë se janë të infektuar dhe bëhen burim rreziku për të tjerët.
Përmes një postimi në “Facebook”, këngëtarja ka treguar për simptomat që iu shfaqën.
“Te dashur miq e familjarë, Pas kaq muajve te kujdesit ne maksimum nga ky virus, pa dalë asnjëherë pa maska pa doreza, besa 3 muajt e pare as nga shtëpia. Në mesin e kësaj popullate kemi kaq shumë njerëz te pa përgjegjshëm që i hasim e e fshehin pa asnjë fije turpi. Unë hasa në këto simptoma. Para dy ditësh, pra; Lodhje të madhe të trupit. Dhimbje te syve lartë, poshtë, anash, kokedhimbje dhe qafe. Une s’kam humbje te shijes e as te nuhatjes, jo kollë. Temperaturë 37.5. Pra këto ishin simptomet e mija Dhe e bëra testin ku para pak çastesh më rezultoi pozitiv. Ju lutem mos fshihni që jeni me virus, mos dilni pa masa mbrojtëse, e ju njerëz qe e fshihni duhet t’ju vijë turp, e që e di që jeni te shumtë!”
