Asnjëri prej tyre nuk e ka pranuar, por shumë fansa janë të bindur se Andi Shehi dhe Melisa Lleshi dy ish-konkurrentët e Për’puthen mund të jenë përputhur në fshehtësi. Madje, shpeshherë ka patur jo vetëm foto, por edhe biseda virtuale të realizuar me montazh, ku supozohet se Melisa ka pranuar lidhjen mes saj dhe Andit.
Pas bujës së madhe që po merrte kjo bisedë në rrjet javën e kaluar nuk vonoi as reagimi i Melisës e cila e mohoi kategorikisht diçka të tillë.
Lexo edhe:
Ndërkohë, sot ka ardhur edhe një reagim nga Andi, që nuk pritej. Ish-konkurrenti ka postuar një video në Instastory ku e fton publikisht Melisën në një takim. Ai shprehet se janë takuar disa herë, por kanë qenë në shoqërinë e personave të tjerë. Por, këtë herë dëshiron ta ftojë për një “kafe serioze”, ku të jenë vetëm ata të dy.
“Nëpërmjet këtij mesazhi doja t’i thoja Melisës diçka: Kaq shumë sa është përmendur emri jonë, o Melisë, po më duket sikur jam në një lidhje me ty. Sa herë kemi dalë bashkë kemi qenë me njerëz të tjerë të shoqëruar. Doja të bëja një ftesë publike për “një kafe serioze”.”-shprehet Andi në Instastoryn e tij.
