Një person i armatosur hapi zjarr pranë Aeroportit Blue Grass në Lexington në SHBA, duke qëlluar një oficer policie dhe më pas ka ikur drejt një kishe në Richmond Road, ku plagosi disa persona të tjerë para se të vdiste.
Sipas autoriteteve, incidenti i përgjakshëm filloi rreth orës 11:36 të paradites me orën lokale kur personi i armatosur sulmoi një oficer të Policisë Shtetërore të Kentucky-t (KSP) pranë Aeroportit Blue Grass. Oficeri i plagosur u dërgua menjëherë në spital.
Autori i të shtënave u nis më pas drejt Kishës Baptiste në Rrugën Richmond. Policia e Shtetit dhe Policia e Lexingtonit arritën ta neutralizonin autorin e të shtënave, i cili ra i vdekur në ambientet e kishës.
Guvernatori i Kentucky-t, Andy Beshear, konfirmoi se dy incidentet ishin të lidhura dhe tha: “Oficeri dhe të plagosurit e tjerë po trajtohen në një spital aty pranë. Ju lutemi lutuni për të gjithë ata që preken nga këto akte të pakuptimta dhune dhe le të falënderojmë autoritetet për reagimin e shpejtë.”
Autoritetet ende nuk kanë njoftuar numrin e saktë të të plagosurve ose gjendjen e tyre shëndetësore, ndërsa hetimi është ende në vazhdim.
