Sytë e ënjtur nuk janë të rralla, megjithatë ato mund të shkaktojnë rrathë poshtë syve që definitivisht nuk do t’i pëlqenim. Besohet se në shumicën e rasteve, ky problem shkaktohet nga gjenetika. Ndërsa lëkura humbet elasticitetin, fryrja bëhet më e dukshme.
Mungesa e gjumit
Gjumi i pamjaftueshëm shkakton probleme të shumta dhe një prej tyre është se mund të ndikojë negativisht në lëkurën tonë, duke përfshirë edhe ënjtjen e syve.
Lexo edhe:
Alkooli
Pijet alkoolike mund të përkeqësojnë ënjtjen, sepse alkooli dehidraton lëkurën dhe kontribuon në inflamacion.
Duhani
Sipas hulumtimeve, nikotina ndikon në reduktimin e kolagjenit. Për shkak të efektit të nikotinës tek elastina dhe vimentina, lëkura e duhanpirësit është shumë më e hollë, gjë që ndikon më tej në ënjtjen e syve.
Si t’i trajtojmë sytë e fryrë?
Nëse nuk flini mjaftueshëm ose pini shumë alkool, zgjidhja më e mirë është ta rregulloni atë. Gjithashtu duhet të reduktoni sasinë e kripës në dietën tuaj dhe sigurohuni që të merrni mjaftueshëm kalium sepse sytë e fryrë mund të përkeqësohen kur këto minerale janë jashtë ekuilibrit.
Aplikimi i diçkaje të ftohtë do të ndihmojë gjithashtu, kur lëkura është e ftohtë, ajo është më e shtrënguar dhe kjo redukton fryrjen.
