Konkurrentja e Për’Puthen Ritvana Fetahu, bëri një pausë nga programi që sipas saj tha se ishte për arsye shëndetësore. Por rikthimi i saj nuk zgjati shumë, pasi pas disa puntatash ajo vendosi të largohej në mënyrë definitive.
Edhe këtë herë lajmin e ka bërë të ditur vetë konkurrentja nëpërmjet llogarisë së saj personale në Instagram, ku postoi një story dhe shkruante:
“Përshëndetje grupi! Unë nuk jam pjesë e programit pasi shendeti im qoftë mendor qoftë fizik eshte më i rendesishem sesa nje program televiziv. Dhe aspak sepse me intereson trekendeshi imagjinar, pasi un e kam thyer atë trekendesh akoma pa u formuar, gjithcka qe bi ndesh me parimet e mia nuk e pranoj si pjese te jetes time”.
Lexo edhe:
Pas largimit të saj, moderatorja e programit Bora Zemani tha se konkurrentja kishte vendosur të largohej, për arsyen se nuk duronte afrimitetin mes shoqes së saj Mikelës, gjithashtu konkurrente, dhe Erjonit, djalin për të cilin ajo kishte shprehur pëlqim.
Ndërkohë, Ritvana i ka përgënjeshtruar këto deklarata nëpërmjet një tjetër reagimi në Instagram, ku ka ripostuar bashkëngjitur me një shkrim, videon në të cilën është fragment i fjalës së moderatores.
‘’Asnjë lidhje s’ka e vërteta me këto budalliqe e fallcitete që fliten’’, ka shkruar Ritvana.
