Scarlett Johansson dhe partneri i saj Colin Jost i kanë dhënë fund beqarisë në fshehtësi të plotë. Lajmin e bënë me dije përmes një postimi në Instagram nga llogaria e organizatës “Meals on Wheels America”, ku thuhet se lidhën kurorë “në një ceremoni intime me familjen e tyre të ngushtë dhe të dashurit e tyre”.
“Jemi të lumtur që po japim lajmin se Scarlett Johansson dhe Colin Jost u martuan gjatë fundjavës në një ceremoni intime me familjen e tyre të ngushtë dhe të dashurit e tyre, duke ndjekur masa e sigurisë COVID-19 të përcaktuar nga institucionet.
Dëshira e tyre e dasmës është të ndihmojnë në realizimin e një ndryshimi për të moshuarit gjatë kësaj kohe të vështirë duke mbështetur @mealsonwheelsamerica. Ju lutemi merreni në konsideratë që të dhuroni para për të gëzuar çiftin e lumtur”, thuhet në postim.
Lexo edhe:
Dyshja njihej bashkë që prej vitit 2010, por romanca e tyre nisi 7 vite më pas. Ata u fejuan në 2019 pas dy vitesh lidhjeje. Kjo është martesa e parë e Jost, ndërsa Johansson ka qenë e martuar dy herë më parë – me aktorin Ryan Reynolds dhe me biznesmenin francez Romain Dauriac, me të cilin ka dhe një vajzë.
